மின்னிக்ஸ்

பாத்: எங்கே செல்லும் இந்தப் பாதை?

2012-01-20T22:23:00.001+05:30

உலகின் பேவரிட் சோசியல் நெட்வொர்கான பேஸ்புக், ஒரு பில்லியன் உறுப்பினர்களை நெருங்கிக்கொண்டிருக்கும் இந்நாட்களில் யாரவது பேஸ்புக் உருப்படாது என்று சொன்னால் என்ன சொல்வீர்கள்? ஆனால் எனக்கு அப்படித்தான் தோன்றுகிறது. காரணம் கூகிள் ப்ளஸ்ஸோ ட்விட்டரோ அல்ல. பாத். பாத் நிச்சயம் பேஸ்புக் போன்ற சோசியல் நெட்வொர்க் அல்ல. சோசியல் நெட்வொர்க் 2.0 என்றுகூடச் சொல்லலாம். அடுத்த தலைமுறை சோசியல் நெட்வொர்க். பாத் எப்படிச் செயற்படுகிறது என்பதற்கு முன் பேஸ்புக் எப்படிச் செயற்படுகிறது என்று பார்த்துவிடலாம்.

நீங்கள் முதலில் பேஸ்புக்கில் இணைந்து கொள்கிறீர்கள். உங்கள் ஈமெயில் அட்ரஸ்புக்கில் உள்ளவர்களில் யாரவது ஏற்கனவே பேஸ்புக்கில் இருந்தால் அவர்களையும் உங்கள் நண்பர்களாக இணைத்துக்கொள்ளவா? என்று பேஸ்புக்கே கேட்கும். சரி சொல்வீர்கள். இப்போது உங்களுக்கு பேஸ்புக்கில் ஒரு நட்புவட்டம் உருவாகியிருக்கும். அவர்கள் அநேகமாக உங்களோடு நெருக்கமான அல்லது உங்களுக்குத் தெரிந்த நபர்களாகவே இருப்பார்கள். இது இப்படியே இருந்தால் பிரச்சினையில்லை. உங்கள் ஃப்ரெண்ட்டின் டைம்லைனில் ஒரு அழகான கேர்ள் (அவளது ப்ரோஃபைல் பிக்சர் அப்படித்தான் சொல்கிறது!) அடிக்கடி வந்து போஸ்ட் பண்ணுகிறாள் என்றால் நீங்கள் பார்த்துக்கொண்டு சும்மாயிருக்கமாட்டீர்கள். அவளுக்கு ஒரு ஃப்ரெண்ட் ரிக்வெஸ்ட் கொடுத்துவிட்டுத்தான் மறுவேலை பார்ப்பீர்கள். நீங்களும் என் ஃப்ரெண்ட் ஒருவரைப்போல கொஞ்சம் சீரியஸ் கேஸ் என்றால் அவள் இன்பாக்சுக்கு மெசேஜ் மெசேஜாக அனுப்பி அவளை அட் பண்ணவைத்துவிட்டுத்தான் விடுவீர்கள். இதுவே அந்த கேர்ள்ளாக நீங்கள் இருந்தால் எப்படியிருக்கும்? நாளுக்குநாள் முன்பின் தெரியாத நபர்களிடமிருந்து வரும் ஃப்ரெண்ட் ரிக்வெஸ்ட்களையும் மெசேஜ்களையும் கண்டு உங்களுக்குப் பைத்தியம் பிடிக்கும். இந்தத் தொல்லை தாங்காமலோ அல்லது அழகாக இருக்கிறான் (மறுபடியும் ப்ரோஃபைல் பிக்சர் அப்படித்தான் சொல்கிறது!) அழகாகப் பேசுகிறான் என்றோ ஒருசிலரையாவது அட் பண்ணிவிடுவீர்கள். இப்போது உங்கள் நட்புவட்டம் இந்தப் புதிய நபர்களின் வரவால் பெரிதாகியிருக்கும். உங்களோடு நெருக்கமான அல்லது உங்களுக்குத் தெரிந்த நபர்கள், பேஸ்புக்கில் புதிதாக அறிமுகமானவர்கள், பெண் பெயர்களில் உலவும் ஆண்கள், ஏஞ்சல்கள், ப்ரின்சஸ்கள், க்வீன்கள், பேய்கள், பிசாசுகள் என்று! அளவுக்கதிகமான நபர்களின் வரவால் பேஸ்புக்கில் நீங்கள் அடிக்கடி தொடர்பிலிருக்கும், உங்கள் நண்பர்கள் உங்களைவிட்டு விலகிச்செல்வதாக்கத் தோன்றும். (உண்மையும் அதுதான்!) அப் மற்றும் கேம் ரிக்வெஸ்ட்கள், போட்டோ டெக்குகளின் தொல்லை அதிகரிக்கும். கண்டவர்களும் உங்களுடன் ஃப்ளேர்ட் பண்ணுவார்கள். இன்பாக்ஸ் பைத்தியக்காரத்தனமான வேகத்தில் நிறையும். தேவையில்லாத குரூப்களில் உங்களை ஒரு கூட்டம் அட் பண்ணும், தத்தமது ஃபேன் பேஜ்களை லைக் பண்ணச்சொல்லி அழும். போதாக்குறைக்கு உங்களை வேவுபார்க்கவென்றே சிலர் இருப்பார்கள். பேஸ்புக் இப்போது சனநெருக்கடி மிகுந்த யாரும் யாரைப்பற்றியும் கவலைப்படாத ஒரு நரகம்... நகரம்.

சிலவருடங்களுக்கு முன் மைஸ்பேஸ் இன்றைய பேஸ்புக்கின் இடத்தில் இருந்தபோது அமெரிக்காவில் ஒருவகையான ஏற்றத்தாழ்வு அவதானிக்கப்பட்டது. நன்கு படித்தவர்களும், வைட் காலர் வேலைபார்ப்பவர்களும், மேல்தட்டு வர்க்கத்தினருமே பேஸ்புக்கை யூஸ் பண்ணுவதாகவும். அவ்வளவாகப் படிக்காதவர்களும், ப்ளூ காலர் வேலைபார்ப்பவர்களும், கீழ் மற்றும் நடுத்தர வர்க்கத்தினரும் மைஸ்பேஸ் யூஸ் பண்ணுவதாகவும் அது காட்டியது. இன்று அப்படியில்லை. பஸ் கண்டக்டராக வேலை பார்க்கும் எனக்குத்தெரிந்த ஒருவர்கூட தீவிரமாக பேஸ்புக் யூஸ் பண்ணுகிறார். நாம் அனைவரும் கனவுகாணும் எந்தவிதமான ஏற்றத்தாழ்வுகளும் இல்லாத ஒரு உலகம் உண்மையில் கொடூரமானது.

பேஸ்புக் எதை இலக்காகக் கொண்டு உருவாக்கப்பட்டதோ அந்த இலக்கை அடையத் தவறிவிட்டது. 2004களில் பேஸ்புக் என்ன சொன்னதோ அதைத்தான் இப்போதும் சொல்கிறது எனினும் (Facebook is a social utility that connects people with friends and others who work, study, and live around them.) அதை யாரும் காதில் வாங்கிக்கொள்வதாகத் தெரியவில்லை. மேலும் பேஸ்புக்கின் வடிவமைப்பு சிக்கலாக்கப்பட்டு அளவுக்கதிகமாக வர்த்தகமயப்படுத்தப்பட்டுவிட்டது. நீங்கள் 2004, 2005, 2006களில் பேஸ்புக் யூஸ் பண்ணியிருந்தால் 2009களின் ஆரம்பம் வரை நீடித்த அந்த இனிமையான பேஸ்புக் தருணங்கள் உங்களைவிட்டுச் சென்றுவிட்டதை உணர்வீர்கள். இந்த நிலையில்தான் பேஸ்புக்குக்கு ஒரு மாற்றீடு தேவைப்படுகிறது. ஆனால் அது நிச்சயம் பேஸ்புக்கிலிருந்து வரக்கூடாது. பேஸ்புக் போலிருக்கக்கூடாது. நிச்சயம் கூகிள் ப்ளஸ் அல்ல. ட்விட்டர் அல்ல. டயாஸ்போராவும் அல்ல.

லோர்ட் ஒஃப் த ரிங்ஸில் வரும் "உலகம் மாறிவிட்டது, அதை என்னால் நீரில் உணரமுடிகிறது, அதை என்னால் நிலத்தில் உணரமுடிகிறது, அதை என்னால் காற்றில் சுவாசிக்க முடிகிறது..." என்ற வரிகளைப்போல உலகம் மாறிவிட்டது. டெஸ்க்டாப்களின் இடத்தை லேப்டாப்களும் டேப்ளட்களும் ஆக்கிரமித்துவிட்டன. அநேகமாக எல்லோரிடமும் ஸ்மார்ட்ஃபோன்கள் இருக்கின்றன. வெறும் பத்தாயிரம் ரூபாய்க்கு அண்ட்ரோய்ட் ஃபோன் கிடைக்கிறது. செல்லுமிடமெல்லாம் அதிவேக இணையமிருக்கிறது, அதுவும் இலவசமாக அல்லது குறைந்த கட்டணத்தில் கிடைக்கிறது. இப்போது யாரும் டெஸ்க்டாப்பில் இருந்துகொண்டு பேஸ்புக் பார்ப்பதில்லை. மொபைல் டிவைஸ்களிலேயே வருகிறார்கள். பேஸ்புக் வெப்சைட் யூஸ்பண்ணுவதைவிட பேஸ்புக் அப் யூஸ்பண்ணுவது அதிகரித்து வருகிறது. இப்போது பாத் என்ன செய்கிறது?

பாத்தின் வரலாறு பற்றி நான் இங்கு சொல்லப் போவதில்லை. நீங்களே கூகிள் பண்ணிக்கொள்ளுங்கள். பாத் என்ன செய்கிறது என்றுமட்டும் சொல்கிறேன். பாத் ஒரு வெப்சைட் அல்ல. அது ஒரு அப். அதுவும் இப்போதைக்கு ஐஃபோன் மற்றும் அண்ட்ரோய்ட் ஃபோன்களுக்கு மட்டுமே கிடைக்கும் அப். பாத், பேஸ்புக் போன்ற ராட்சத நெட்வொர்க் அல்லவெனினும் நீங்கள் ஒரு சோசியல் நெட்வொர்க்கில் செய்யக்கூடிய அத்தனையையும் செய்யலாம். ஃப்ரெண்ட்ஸ், மற்றும் ப்ரைவசி என்கிற விடயங்களில்தான் பாத் பேஸ்புக்கிலிருந்து வேறுபடுகிறது. அதிகபட்சம் 150நபர்களை மட்டுமே உங்கள் ஃப்ரெண்ட் லிஸ்ட்டில் கொண்டிருக்க முடியும். வெறும் 150தானா என்று கேட்பவர்களுக்கு: நீங்கள் பேஸ்புக்கில் அதிகபட்சம் 5000நபர்களை உங்கள் ஃப்ரெண்ட் லிஸ்ட்டில் கொண்டிருக்க முடியும். அப்படி 5000பேர் உங்கள் ஃப்ரெண்ட் லிஸ்ட்டில் இருக்கிறார்கள் என்று வைத்துக்கொள்வோம். அந்த 5000பேருடனும் நீங்கள் தினந்தினம் உறவாடுகிறீர்களா? அந்த 5000பேர்களையும் உங்களுக்குத்தெரியுமா? அதை விடுங்கள், அந்த 5000பேரும் உங்களுடன் உறவாடுகிரார்களா? அவர்களில் எத்தனைபேர் உண்மையான நபர்கள் என்று தெரியுமா? 5000பேர் அல்ல ஒரு 500? அதில் உங்களுக்கு எத்தனை பேரைத்தெரியும்? ஒரு 10? 20? 30? 40? 50? 100? ஒரே நேரத்தில் ஒரு சராசரி மனிதனால் 40-60பேருடன்தான் தொடர்பிலிருக்கமுடியும். நம்மில் பெரும்பாலானோர் அந்த எண்ணிக்கையைக்கூடத் தொடுவதில்லை. இப்போது 150 நண்பர்கள் என்ற எண்ணிக்கையே உங்களுக்கு அதிகமாகத் தோன்றும்.

உங்களிடம் ஒரு ஐஃபோனோ அண்ட்ரோய்ட் ஃபோனோ இருக்கிறதா? இன்றே பாத்தில் இணைந்து உண்மையான, உங்களுக்கே உரித்தான, உங்கள் மனதுக்கு நெருங்கிய நண்பர்களை இணைத்துக்கொள்ளுங்கள். அன்பைப் பகிர்ந்துகொள்ளுங்கள். இதுவும் சில வருடங்களுக்குத்தான். அப்புறம் பேஸ்புக்கோ அல்லது கூகிளோ பாத்தை வாங்கித் தன்னுடன் இணைத்துக்கொள்ளும். அல்லது இப்போது பேஸ்புக்கில் இருக்கும் கூட்டம் அங்கும் கூடிவிடும்.

இது என்னுடைய டிசம்பர்

2011-12-17T12:10:00.001+05:30

மழை நாட்கள் பிடிக்கும் எனக்கு. (காதலிப்பவர்களுக்கும் மழை நாட்கள் பிடிக்கும். அதற்கும் எனக்கும் ஏதோ கனெக்ஸன் என்று நினைத்தால் அதற்கு கம்பனி பொறுப்பேற்காது!) மழை நாட்கள் அதிகம் வரும் டிசம்பர் மாதமும் பிடிக்கும்.

கொழும்பில் மூன்றாவது டிசம்பர் இது. முதல் இரண்டு டிசம்பர்களை வர்ணிக்க ஒரு வார்த்தை இருக்கிறது ஆங்கிலத்தில். "க்ரெப்". கொஞ்சமாக மழை பெய்தாலும் இந்த டிசம்பர் முதலிரண்டையும்விட நன்றாகவே இருக்கிறது.

நவம்பர் 30, 2011 நள்ளிரவில் என் பேஃவரிட் பேண்ட், லின்கின்பார்க்கின் திஸ் இஸ் மை டிசம்பர் திரும்பத்திரும்பக் கேட்டுக்கொண்டேயிருந்தேன். அதில் வரும் திஸ் இஸ் மீ அலோன் என்பது போல தனிமையில் இருந்தேன். டிசம்பர் தொடங்கிவிட்டது. ஜன்னல் வழியே பார்க்கிறேன், அங்கொன்றும் இங்கொன்றுமாக நட்சத்திரங்கள் கண்சிமிட்டிக்கொண்டிருந்த குளிரான அந்த டிசம்பர் இரவில் 375256 கிலோமீட்டர்கள் தொலைவில் பிரகாசித்துக் கொண்டிருந்தது நிலா.

மூன்றாவது ஆப்பிள்

2011-10-08T15:51:00.001+05:30

"மூன்று ஆப்பிள்கள் உலகை மாற்றியிருக்கின்றன: முதலாவது ஏவாளை வழிகெடுத்தது. இரண்டாவது நியூட்டனைத் தட்டியெழுப்பியது. மூன்றாவது ஸ்டீவ் ஜாப்ஸின் கைகளில் இருந்தது."

அக்டோபர் 6, 2011. காலை 7.30. தூக்கம் கலைந்தும் எழுந்திருக்க மனமில்லா ஒரு குளிர் காலை. கண்மூடிக் கைகளால் கட்டிலில் தொலைந்து போயிருந்த என் செல்போன் தேடியெடுத்து வந்திருந்த பேஸ்புக், ட்விட்டர் எஸ்எம்எஸ் படிக்கிறேன். நரம்புகளில் மின்னலெனப் பாய்ந்தது அந்தத் தீச்செய்தி. ஸ்டீவ் ஜாப்ஸ் இறந்துவிட்டார். போர்வையை உதறியெறிந்து, லேப்டாபை உயர்ப்பித்து, இன்டர்நெட்டில் நுழைந்து நான் கண்டது வெறும் தீக்கனவல்ல என்று உறுதிசெய்து உடைந்து போனேன்.

எலக்ட்ரானிக்ஸ் இளைஞர்களின் சூப்பர்ஹீரோ. உலகின் மிகச்சிறந்த பிசினஸ்மேன்களில் ஒருவர். பல்லாயிரக்கணக்கான மக்களின் வாழ்க்கைப்போக்கை மாற்றியவர். பத்தோடு பதினொன்றாகவிருந்த ஆப்பிளை உலகின் முதற்தர நிறுவனமாக மாற்றியவர். இத்தனைக்கும் ஸ்டீவ் அதிகம் படித்ததில்லை.

ஸ்டீவின் தாய் ஒரு திருமணமாகாத பல்கலைக்கழக மாணவி. அதனால் ஒரு நடுத்தரக் குடும்பத்துக்கு ஸ்டீவ் தத்துக் கொடுக்கப்பட்டார். வளர்ப்புப் பெற்றோரின் வாழ்நாள் சேமிப்பு முழுவதும் தனது பல்கலைக்கழகக் கல்விக்கே செலவாவதை விரும்பாத ஸ்டீவ் வெறும் 6 மாதங்களில் படிப்பை நிறுத்திவிட்டார். அதன்பின் ஒரு டைப்போகிராஃபி க்ளாசில் சேர்ந்து சிலகாலம் படித்தார். பின்னாற்களில் வந்த ஆப்பிள் மெக் கம்ப்யூட்டர்களின் அட்டகாசமான க்ராஃபிகல் இண்டர்ஃபேஸ்களுக்குக் காரணம் இதுவே.

டீன்ஏஜ் பருவத்தின் முடிவில் இருந்த ஸ்டீவின் வாழ்க்கை அப்படியொன்றும் இனிமையாக இருக்கவில்லை. படிப்போ பணமோ இல்லாத நிலையில் உறங்குவதற்கும் சரியான இடமின்றி நண்பர்களின் அறையில் தரையில் படுத்து உறங்கியிருக்கிறார். காலி கோக் டின்களை விற்று அதில் கிடைக்கும் பணத்தில் சாப்பிட்டிருக்கிறார். ஒவ்வொரு ஞாயிறுக் கிழமையும் ஹரே க்ருஷ்னா கோவிலின் அன்னதானத்துக்காக 7 மைல் தூரம் நடந்திருக்கிறார். அப்போது அமெரிக்காவை ஆட்டிப்படைத்த ஹிப்பிகளின் கலாச்சாரத்தால் ஈர்க்கப்பட்டு தனது 19வது வயதில் இந்தியாவுக்கும் வந்திருக்கிறார் ஸ்டீவ்.

அது 1969. ஸ்டீவ் தன்னைவிட 5 வயது மூத்தவரான இன்னொரு ஸ்டீவைச் சந்திக்கிறார். வொஸ் என்று அழைக்கப்படும் ஸ்டீவ் வொஸ்னியாக்தான் அவர். மிகச்சிறந்த எலக்ட்ரானிக்ஸ் திறமைகளைக் கொண்டிருந்த வொஸ் மற்றும் ஸ்டீவ் இணைந்து ஆப்பிள் நிறுவனத்தை 1976ல் ஸ்டீவின் வீட்டு கார் பார்க்கிங்கில் தொடங்கினார்கள்.

அதன் பிறகு நடந்ததெல்லாம் மேஜிக் என்றுதான் சொல்லவேண்டும். வொஸ்ஸின் எலக்ட்ரானிக்ஸ் திறமை மற்றும் ஸ்டீவின் மார்க்கெட்டிங் திறமையால் ஆப்பிள் அதிவேகமாக வளர்ந்து அப்போது 25 வயதே ஆகியிருந்த ஸ்டீவின் மதிப்பை 200 மில்லியன் டொலர்களாக்கியது.

ஆப்பிளில் 1985களில் நடந்த ஒரு தகராறில் ஸ்டீவ் தன் சொந்த நிறுவனத்திலிருந்தே விலக்கப்பட்டார். இதனால் கொஞ்சமும் உடைந்து போய்விடாத அவர் ஆப்பிளுக்குப் போட்டியாக நெக்ஸ்ட் என்ற என்னொரு கம்ப்யூட்டர் நிறுவனத்தையும், பிக்ஸார் என்ற அனிமேஷன் ஸ்டுடியோவையும் தொடங்கினார்.

ஒரு கட்டத்தில் ஆப்பிள், தனது போட்டியாளரான நெக்ஸ்டை வாங்கவேண்டியேற்பட்டது. விளைவு, ஸ்டீவ் மீண்டும் ஆப்பிளுக்குள் நுழைந்தார். அப்போது மைக்ரோசாப்ட், டெல், ஐபிஎம், மற்றும் எச்பி நிறுவனங்களால் நெருக்கப்பட்டுக் கொண்டிருந்த ஆப்பிளைத் தூக்கி நிறுத்தினார். தனது ஐமெக், ஐபோட், ஐபோன், ஐபேட், ஐடியூன்ஸ் தயாரிப்புகளால் உலகின் வாழ்க்கைப் போக்கையே மாற்றிக்காட்டினார்.

வரலாறு முழுவதுமே பெரும் புரட்சிகளைச் செய்தவர்கள், சாதனைகளைச் செய்தவர்கள், மக்களின் மனங்களைக் கவர்ந்தவர்கள் நீண்டநாள் வாழ்ந்ததில்லை. ஒன்று கொல்லப்படுகிறார்கள், அல்லது இறந்து போகிறார்கள். இந்த சோகமான விதிக்கு ஸ்டீவும் தப்பவில்லை. வெறும் 56 வயதிலேயே புற்றுநோய்க்குப் பலியாகிவிட்டார்.

ஸ்டீவ் இறந்த நாளில் என் பேஸ்புக் நண்பர் ஒருவரின் ஸ்டேடஸ் இது: "முன்பு மைக்கல் ஜாக்சன் இறந்ததற்காக மில்லியன் கணக்கான மக்களின் கண்கள் கண்ணீர் சிந்தின. இப்போது அவை ஸ்டீவுக்காக மீண்டும் சிந்துகின்றன. மிகச்சிறந்த மனிதர்கள் மட்டுமே இத்தகைய பெருமையைப் பெறுவார்கள்." எவ்வளவு உண்மை. உலகம் லியனார்டோ டாவின்சி போன்ற, அல்வா எடிசன் போன்ற ஒரு அற்புதமான மனிதரை இழந்துவிட்டது.

அவர் கம்ப்யூட்டர்களை மாற்றினார்.
சாப்ட்வேர்களை மாற்றினார்.
வடிவமைப்பை மாற்றினார்.
பதிப்பித்தலை மாற்றினார்.
திரைப்படங்களை மாற்றினார்.
இசையை மாற்றினார்.
விளம்பரங்களை மாற்றினார்.
விற்பனையை மாற்றினார்.
வியாபாரத்தை மாற்றினார்.
எதிர்பார்ப்புகளை மாற்றினார்.
இதயங்களை மாற்றினார்.
அவர்களை மாற்றினார்.
எங்களை மாற்றினார்.
உங்களையும் மாற்றினார்.
இப்போது நீங்கள் எதை மாற்றப் போகிறீர்கள்?

இளமை ஊற்று

2011-09-13T21:14:00.000+05:30

பைரேட்ஸ் ஆப் தி கரீபியன் நான்காம் பாகம் பார்த்துமுடித்த சிறிது நேரத்தில் இதை எழுதுகிறேன். முந்தைய பாகங்களைப் போல இதிலும் ஜோனி டெப் சும்மா பின்னியிருக்கிறார்! ஆனாலும் முந்தைய பாகங்களின் சுவாரசியம் இதில் இல்லை. இளமை ஊற்றைத் தேடிப்போகும் கதை என்பதால் படம் கடலைவிடக் கரையிலேயே அதிகம் நகர்கிறது. முந்தைய பாகங்களில் வந்த எலிசபத், வில் டேர்னர், மற்றும் இன்னும் சில முக்கிய கேரக்டர்களும் இல்லை. படத்தில் என்னைக் கவர்ந்தது பிலிப் மற்றும் ஸ்ரேனா இடையிலான மெல்லிய காதல்தான். கடற்கன்னியாக வரும் அஸ்ட்றிட் ரொம்ப அழகு.

பயோஷோக்: கடலுக்கடியில் ஒரு கனவுலகம்

2011-03-06T20:55:00.004+05:30

அது 1960. அட்லாண்டிக் கடற்பிராந்தியத்தில் ஒரு கொடூர விமான விபத்து நடக்கிறது. விபத்தில் தப்பிப்பிழைத்த ஒரேயொரு பயணியான ஜாக் நீந்திச்சென்று கடலின் நடுவிலுள்ள ஒரு சிறிய தீவில் கட்டப்பட்டிருக்கும் லைட்ஹவுசை அடைகிறான். தற்செயலாக அங்கிருக்கும் ஒரு சிறிய நீர்மூழ்கிக் கப்பல் போன்ற அமைப்பை அடையும் ஜாக் அதில் பயணித்து கடலின் அடித்தளத்தில் கட்டப்பட்டிருக்கும் மர்மங்கள் நிறைந்த ரெப்சர் என்ற நகரத்தை அடைகிறான்.

ரெப்சர், உலக அரசாங்கங்களின் கட்டுப்பாடுகள் எதுவுமின்றி விஞ்ஞானிகள் இயற்கைக்கு விரோதமான ஜெனடிக் ஆய்வுகளைச் செய்வதற்கு அன்ட்ரூ ரயான் என்ற பெரும் பணக்காரனால் கடலுக்கடியில் கட்டப்பட்ட இரகசிய நகரம். நகரில் வாழ்பவர்கள் ப்ளாஸ்மிட் எனப்படும் மருந்துகளை உடம்பில் ஏற்றிக்கொண்டு சாதாரண மனிதர்களால் செய்யமுடியாத வெறும் கையினால் மின்னலை உருவாக்குவது, தீயை உருவாக்குவது, தொலைவிலுள்ள பொருட்களை நகர்த்துவது போன்ற காரியங்களைச் செய்கிறார்கள். ஜாக் சென்ற சமயத்தில் அந்த நகரின் சமூகக் கட்டமைப்பு சிதைந்து அளவுக்கதிகமான ப்ளாஸ்மிட் பாவனையினால் விகாரமடைந்த, மனிதத்தன்மையற்ற ஒரு சமூகமே காணப்படுகிறது. அவர்களிடமிருந்து தப்பித்து ஜாக் எப்படி கரையை அடைகிறான் என்பதே 2007ல் வெளிவந்த பயோஷோக் என்ற கணினி விளையாட்டின் கதை.

முழுக்க முழுக்க கடலுக்கடியில் நடக்கும் பெர்ஸ்ட் பெர்சன் ஷூட்டர் வகை விளையாட்டான இது ஆண்டின் மிகச்சிறந்த கணினி விளையாட்டு உட்பட ஏராளமான விருதுகளை வென்றது. விளையாடும்போது ஒரு அக்வேரியத்துக்குள் நுழைந்த உணர்வுதான் ஏற்படும். கண்ணாடிச்சுவருக்கு மறுபுறம் கடலில் நீந்திக்கொண்டிருக்கும் வண்ணமீன்கூட்டங்கள் நீங்கள் அருகே சென்றதும் சிதறியோடும். பலவிதமான ஆயுதங்களையும் ப்ளாஸ்மிட்களையும் யூஸ் பண்ணவேண்டிவரும். மிகவும் என்ஜாய் பண்ணி விளையாடக்கூடிய விளையாட்டு.

நான் இப்போது விளையாடிக்கொண்டிருப்பது பயோஷோக் 2. பயோஷோக் நடந்து 10 வருடங்களின்பின் ரெப்சரில் நடக்கும் கதை. அடுத்து வரவிருப்பது பயோஷோக் இன்பினிட்டி. இது வானில் மிதக்கும் நகரமொன்றில் நடக்கும் கதை. 2012ல் வருகிறது. விளையாடக் காத்திருக்கிறேன்.

குட்பாய் பேஸ்புக்! ஹலோ ட்விட்டர்! [PART II]

2011-02-22T15:54:00.006+05:30

போன வருஷத்தின் ரீமேக்தான் இந்த வருசமும் போல. பாருங்க போன வருஷம் கிட்டத்தட்ட இதே டைம்லதான் "குட்பாய் பேஸ்புக்! ஹலோ ட்விட்டர்!" என்று ஒரு போஸ்ட் பண்ணினேன். இப்ப அதோட பார்ட் 2 எழுதித் தொலைக்க வேண்டியிருக்கு. என்ன கொடும கடவுளே இது.

கொஞ்சம் யோசிச்சிப்பார்த்தா இதுவரைக்கும் என் வாழ்க்கைல நடந்த அத்தனை மோசமான சம்பவங்களுக்கும், கசப்பான நினைவுகளுக்கும் பேஸ்புக்தான் காரணம்னு தோணுது.

உண்மையான அன்பையும் காதலையும் சோசியல் நெட்வொர்க்களில் தேடுபவர்களுக்கு எனது ஆழ்ந்த அனுதாபங்கள்! எனது அனுபவங்களின்படி அந்த இரண்டும் இல்லாதவர்கள்தான் சோசியல் நெட்வொர்க்களில் அலைகிறார்கள், விதவிதமான முகமூடிகளை அணிந்தபடி.

நட்பென்னும் காதலென்றும் வந்தவர்களிடம் அளவுக்கதிகமான அன்பைக்கொட்டி, கொண்டாடத்தகுதியில்லாதவர்களை எல்லாம் கொண்டாடி, படிப்பையும் வாழ்நாளையும் தொலைத்துவிட்டு நிற்கும் நிலை உங்களுக்கும் வேண்டாம். உங்கள் படிப்பை, வேலையை, கனவுகளைக் கொண்டாடுங்கள். பின்னொருநாளில் வாழ்க்கை உங்களைக் கொண்டாடும்.

இதற்கு மேலும் பேஸ்புக் எனக்கு வேண்டாம். இனிவரும் நாட்களை படிப்பதிலும், எழுதுவதிலும் செலவிடப்போகிறேன். அப்பப்போ போஃஸ்கொயர் விளையாடிக்கொண்டு, ட்வீட் பண்ணிக்கொண்டு, யூட்யூப் பார்த்துக்கொண்டு, கனவுகளைத்துரத்திக்கொண்டு.

பேஸ்புக் பக்கங்கள்: ரெஸ்டோரன்ட் சிட்டி விளையாட்டு

2010-12-21T00:20:00.007+05:30

பேஸ்புக் விளையாட்டுகள் பற்றித் தெரியும்தானே? தெரியாதவர்கள் இந்தப் போஸ்ட்டைப் படித்துவிட்டுத் திரும்பி வரவும். இந்த விளையாட்டுகளில் ஒன்றுதான் ரெஸ்டோரன்ட் சிட்டி.

இந்தப் போஸ்ட் ரெஸ்டோரன்ட் சிட்டி விளையாடுவது எப்படி என்பதைப் பற்றியல்ல... பேஸ்புக்கில் இருக்கும் சில சைக்கோக்களைப் பற்றியது!

ரெஸ்டோரன்ட் சிட்டி விளையாட்டில் நாமே சொந்தமாக ரெஸ்டோரன்ட் ஒன்றை உருவாக்கி நடத்தலாம். அதில் நமது பேஸ்புக் நண்பர்களையே சர்வர் வேலைக்கு (?!) அமர்த்தலாம். ரொம்பவும் சுவாரசியமான விளையாட்டு அது.

எனக்கு ஒரு ஃப்ரெண்டு இருக்கான். பேரெல்லாம் சொல்லமாட்டன். அவனுக்கு அவன்கூட படிக்கிற ஒரு பொண்ணு மேல லவ்வோ லவ்வு! ஆனா அவ அவ்ளோ லேசா காதலில் விழுற பார்ட்டி இல்ல. சரியான படிப்ஸ். இருந்தாலும் நம்ம ஃப்ரெண்டும் லேசுப்பட்டவன் இல்லியே... எப்பேர்ப்பட்ட பொண்ணையும் லவ் பண்ண வச்சுடுவான். சோ, அவன் அவள துரத்தித் துரத்தி லவ் பண்ணினான்... அவள அட்ராக்ட் பண்ண என்னென்னவோ செஞ்சு பாத்தான்... ம்ஹூம்! அவ அவன கண்டுக்கவே இல்ல! இதுல நம்ம ஃப்ரெண்டுக்கு சரியான கவல. கடைசில அவகிட்ட "நீ லவ் பண்ணாட்டியும் பரவால்ல... பேஸ்புக்ல சரி ஃப்ரெண்டா அட் பண்ணு" எண்டு சொன்னான். அவளும் போனாப் போவுது என்கிற ரேஞ்சுல அட் பண்ணிகிட்டா.

அப்புறம் கொஞ்சநாள் எல்லாம் நல்லாத்தான் ஓடிக்கிட்டிருந்துச்சு. நான்தான் ஒரு நாள் அவன்கிட்ட அவள பத்தி விசாரிச்சன். அவன் ரொம்பக் கவலயோட "மச்சான், அவ என்கூட பேசுறதே இல்லடா... பேஸ்புக்ல இருந்தும் ரிமூவ் பண்ணிட்டாள்டா" எண்டு சொன்னான்! நான் ஏண்டான்னு கேட்டேன். அதுக்கு அவன் "என்ன கொடும சார் இது?!" ஸ்டைல்ல சொன்னான் ஒரு ரீசன்!

அவன் சொன்னது இதுதான்:
"நான் அவள ரெஸ்டோரன்ட் சிட்டில சர்வராப் போட்டு அவமானப்படுத்திட்டனாம், அதனால என்ன பேஸ்புக்ல இருந்து ரிமூவ் பண்ணிட்டாள். க்ளாஸ்லயும் அவள் என்னோட பேசுறது இல்லடா..."

இப்பிடியும் சைக்கோக்களா? நம்பவே முடியல்ல... இத நெனச்சா சிரிப்ப அடக்க முடியல்ல... ஆபீஸ்ல வேல செஞ்சிகிட்டிருக்ககுள்ளகூட தனியா சிரிச்சுக்கிறன் ... பக்கத்துல இருக்கிறவங்க என்னப் பைத்தியக்காரனப் போல பாக்கிறாங்க.

மேகத்தில் ஒரு கம்பனி!

2010-09-29T01:48:00.004+05:30

ஹேய் ப்ரெண்ட்ஸ்! இன்னும் இந்த ப்ளாக் அப்டேட்டாகும்னு யாராச்சும் நம்பிட்டு இருக்கிறீங்களா? அப்டீன்னா ரொம்ப நல்லவருதான் நீங்க! ரெண்டு மாசமாகுது லாஸ்ட் போஸ்ட் எழுதி! எழுதவே டைம் இல்ல... அவ்ளோ பிசின்னு பொய் சொல்ல விரும்பல்ல! ப்ளாக் எழுதுற மூட் இல்ல! அதான் மேட்டர்!

லாஸ்ட் ரெண்டு மாசமா விஜய் படம் மாதிரி தொடர் தோல்விகள்தான்! முதல் காதல்... முதல் தோல்வி... பேஸ்புக் லவ் பேஸ்புக்காலேயே முறிஞ்சிடுச்சு! அதையே... அவளையே நெனச்சு நெனச்சு ஃபீல் பண்ணிக்கிட்டு கெடந்ததுல அசைன்மென்ட், ப்ராஜெக்ட் எல்லாம் ஊத்திகிச்சு! உடைஞ்சிபோன இதயம், ஊத்திக்கிட்ட அசைன்மென்ட், ப்ராஜெக்ட் எல்லாம் பிக்ஸ் பண்ணினதுல ரெண்டு மாசம் ஓடிடுச்சு! இப்போ கொஞ்சம் பரவால்ல!

ஆல்றைட்! இப்போ டைட்டில் மேட்டருக்கு வருவோம். நாங்க ஒரு கம்பனி ஸ்டார்ட் பண்ணி இருக்கோம்! "வாட்? கம்பனியா? அத ஏதோ பப்பிள்கம் சாப்பிட்ட மாதிரி சிம்பிளா சொல்லுறே?" எண்டுதான் நீங்க கேப்பீங்க! நம்புங்க பாஸ்! காமடி கீமடி பண்ணல... நிஜமாவேதான்!

இந்த ஸ்டோரி கிட்டத்தட்ட ஒரு வருசத்துக்கு முன்னால நான் என் ப்ரெண்ட் முறுவோட ரூமுக்கு விசிட் அடிச்சதுல இருந்து தொடங்குது... நள்ளிரவு நேரம் அப்பிடியே நெட்ல ப்ரவ்ஸ் பண்ணிட்டு பேசிகிட்டே இருந்ததுல இந்த சொந்தக் கம்பனி ஸ்டார்ட் பண்ணுற (சொந்த செலவுல சூனியம் வெச்சுகுற) ஐடியா க்ளிக்காவிச்சு! என்ன கம்பனி? ஒரு க்ளவ்ட் கம்பனி! அதாவது வெப்சைட் மற்றும் வெப் அப்ஸ் க்ரியேட் பண்ணுற கம்பனி! கொஞ்சம் கவித்துவமா சொல்லப்போனா மேகத்தில் ஒரு கம்பனி! (ஒருவழியா டைட்டில கனெக்ட் பண்ணிட்டேன்!)

கம்பனி ஏன்டா அதுக்கு ஒரு பேரு, ஒரு லோகோ வேணும்ல? அதுக்கு ரூம் போட்டு யோசிச்சோம்! ஆமா நிஜமாவே ரூம்ல இருந்துதான் யோசிச்சோம்! நெறைய பேரு ட்ரை பண்ணி கடைசியில அக்ஸரா என்ட பேரு கெட்சியா இருந்துச்சின்னு செலக்ட் பண்ணினோம்! கம்பனி பேருக்கும் கமல் மகளுக்கும் (?!) சத்தியமா எந்தத் தொடர்பும் இல்லீங்க! பேரு ஓகே! அப்புறம் கம்பனி லோகோ டிசைன் பண்ணனுமே... நெட்ல அலைஞ்சுதிரிஞ்சு (?!) நெறைய ஃபொன்ட்ஸ் டவுன்லோட் பண்ணி... நெறைய கலர்ஸ் ட்ரை பண்ணி... ஒருவழியா லோகோவும் ஓகே! அப்படியே கம்பனி வெப்சைட்டையும் க்ரியேட் பண்ணியாச்சு! இதெல்லாம் முடிய ஒரு ஆறு மாசம் ஓடிடுச்சி! அடுத்து டொமைன் நேம் வாங்கி ஹோஸ்ட் பண்ணிட வேண்டியதுதான்னு போனா அந்த நேம் அவைலபிள் இல்லியாம்! சரியாப்போச்சி! அப்பிடியே எல்லாத்தையும் போட்டுட்டு எங்க சொந்த சோகத்துல (?!) மூழ்கிட்டோம்!

அப்புறம் நாங்க இன்னும் கொஞ்ச ப்ரெண்ட்ஸ் வந்து சேந்தாங்க... முறு திரும்பவும் கம்பனி ஐடியாவ தூசு தட்டி எடுத்தான். அக்ஸரா என்கிற நேம் பிடிக்கல்ல... ச்சேன்ஞ் பண்ணனும் என்டான்! திரும்பவும் முதல்ல இருந்து ஆரம்பிச்சோம்! இந்தவாட்டி நியோ (புதிய) என்கிற க்ரீக் வேர்ட் மற்றும் நொரா (ஒளி) என்கிற அரபிக் வேர்ட் ரெண்டையும் மிக்ஸ் பண்ணி நியோநொரா எண்டு பேரு வெச்சோம்! ஒரு கலர்புல்லான லோகோவையும் ரெடி பண்ணினோம்! அப்புறம் வெப்சைட்டும் ரெடி! டொமைன் நேம் கூட அவைலபிள்! எங்ககிட்ட அத வாங்க பணம் இருக்கு, ஆனா க்ரெடிட் கார்ட்தான் இல்ல! இதுவும் சரிப்படாதோன்னு தோணிச்சு! கடைசியில என் ப்ரெண்ட் ஒருத்தன் ஹெல்ப் பண்ணினான்! அவ்ளோதான்! உடனே சட்டுப்புட்டென்னு நானும் முறுவும் மீட் பண்ணின இடம் கேஃஎப்சி!

ஆமா, கேஃஎப்சி கோழிக்கடைல (?!) வச்சுதான் வெப்சைட் லாஞ் பண்ணினோம்! அது மழை தூறிக்கொண்டிருந்த செப்டெம்பர் மாதம் 27ம் நாள். கிட்டத்தட்ட ஒரு வருசக்கனவு நனவாயிடுச்சி! மேகங்களின் மேல் இன்னும் எவ்ளோ கனவுகள் இருக்கு! இந்தக் கனவுகளைத் துரத்துறது எவ்ளோ சந்தோசமான விஷயம் தெரியுமா?

HTML5 ராக்ஸ்!

2010-06-13T02:06:00.012+05:30

HTMLலின் அடுத்த வெர்ஷன்தான் இந்த HTML5! CSSசின் அடுத்த வெர்ஷனான CSS3யுடன் இதை இணைத்து நிறைய மேஜிக் காட்டலாம்! பிளாஷ், சில்வர்லைட், ஜாவா என்று (என்னைப் போன்றவர்களுக்கு) தலைசுற்றவைக்கும் ப்ரோக்ராமிங் மொழிகளில் எழுதப்படும் வெப் அப்ஸ்களை மிக எளிதாக யார் வேண்டுமானாலும் உருவாக்கலாம்!

இந்த இன்ட்ரோ போதும் என்று நினைக்கிறேன்... HTML5 பற்றி நான் எழுதிக் கிழித்து அதை நீங்கள் படித்துத் தொலைப்பதை விட இந்த லின்க்சை கிளிக் பண்ணி என்ஜாய் பண்ணுங்க!

HTML5 டெமோஸ்
HTML5 யூஸ் பண்ணி உருவாக்கப்பட்ட வெப்சைட்ஸ்
HTML5 பற்றி மொல்லி
ஆப்பிளின் HTML5 டெமோஸ்

பேஸ்புக்குக்கு ஆப்பு!

2010-05-17T10:41:00.008+05:30

பிரபஞ்சம் போல நொடிக்கு நொடி விரிந்துகொண்டே போகும் உலகின் மிகப்பெரிய சோசியல் நெட்வொர்க்கான பேஸ்புக்கைக் கண்டு இண்டர்நெட் சூப்பர்ஸ்டார் கூகிளே கலங்கிப்போய்க் கிடக்கிறது. ஏற்கனவே பலரும் எதிர்பார்த்தபடி அமெரிக்காவின் நம்பர் வன் ப்ரேண்டாக பேஸ்புக் வந்துவிட்டது. முன்பு இந்த இடத்தில் இருந்தது கூகிள். ஒரு பக்கம் பேஸ்புக் என்றால் இன்னொரு பக்கம் ட்விட்டர். இன்றைய நாட்களில் இந்த இரண்டு வெப்சைட்களுமே கூகிளுக்குப் பெரிய தலையிடியாக மாறிவிட்டன.

எனக்கென்றால் கூகிளின் சோசியல் நெட்வொர்க் ஐடியாக்கள் ஒவ்வொன்றாகத் தோல்வியடைந்து வருவதுபோல் தோன்றுகிறது. ட்விட்டர் வந்து ஜைக்குவுக்கு ஆப்பு வைத்தது. பேஸ்புக் வந்து ஆர்குட்டுக்கு ஆப்பு வைத்தது. கூகிள் பெரிதாக அலப்பறை பண்ணித் தொடங்கிய கூகிள் வேவ் அடங்கிவிட்டது. அலப்பறை பண்ணாமல் தொடங்கிய கூகிள் பஸ்ஸும் புஸ்வாணமாகிக் கொண்டிருக்கிறது. பேஸ்புக் கூகிளுக்கு பெப்பே காட்டிவிட்டு கூகிளின் ஜென்மவிரோதியான மைக்ரோசாப்டுடன் கொஞ்சிக் கொண்டிருக்க, டிவிட்டரை கூகிளுக்கு விற்கமாட்டோம் என்று அதன் நிர்வாகிகள் சொல்லிவிட்டார்கள்.

இதெல்லாம் கூகிளின் தலைவலிகள்... நமக்கெதற்கு? நான் சொல்லவந்த மேட்டருக்கு வர்றேன். இப்படி கூகிளே அஞ்சிநடுங்கும் பேஸ்புக்குக்கு ஆப்பு வைப்பதற்கு என்னைப்போன்ற ஸ்மார்டான (?!) 4 இளைஞர்கள் ட்ரை பண்ணிக் கொண்டிருக்கிறார்கள்! மேக்ஸ்வெல், டானியல், ரஃபேல் மற்றும் இல்யா என்ற இந்த நால்வரும் மற்றவர்களைப்போல் கல்லூரி முடித்து ஒழுங்காக வேலைக்குப் போகாமல் டயாஸ்போரா என்ற பெயரில் பேஸ்புக்குக்கு நிகரான சோசியல் நெட்வொர்க் சாஃப்ட்வேர் எழுதப்போகிறார்களாம். அதாவது ப்ளாக்குகளுக்கு வேர்ட்ப்ரஸ் போல சோசியல் நெட்வொர்க்குகளுக்கு டயாஸ்போரா! வேர்ட்ப்ரஸ் போல டயாஸ்போராவையும் உங்கள் சொந்த சேர்வர்களிலேயே இன்ஸ்டால் செய்து உங்கள் சொந்த சோசியல் நெட்வொர்க்கை உருவாக்கலாம்!

டயாஸ்போரா இன்னும் மூன்றே மூன்று மாதங்களில் தயாராகிவிடும் என்றும், அது முற்றிலும் ஃப்ரீயாக, ஓபன் சோர்ஸ் சாஃப்ட்வேராக வெளியிடப்படும் என்றும் தெரிகிறது. டயாஸ்போராவை யூஸ் பண்ணி எனது ஆருயிர் நண்பரும், அடுத்த பில்கேட்ஸுமான (?!) முறுவுடன் சேர்ந்து பேஸ்புக் ஓல்டர்நேடிவ் ஒன்றை உருவாக்கும் ஐடியா இருக்கிறது... பார்ப்போம்!

பேஸ்புக் பக்கங்கள்: பார்ன்படி விளையாட்டு

2010-04-26T11:01:00.003+05:30

நீங்கள் பேஸ்புக்கில் இருக்கிறீர்களா? இதென்ன கேள்வி... நிச்சயம் இருப்பீர்கள்! அப்படியென்றால் பார்ன்படி பற்றி உங்களுக்குத் தெரியுமில்லையா? தெரிந்தவர்கள் இனிவரும் வரிகளை ஸ்கிப் பண்ணவும்! பார்ன்படி என்பது பேஸ்புக்கில் விவசாயம் செய்யும் விளையாட்டு. ஃபார்ம் வில்லி போல அத்தனை பிரபலமான விளையாட்டு இல்லாவிட்டாலும் எனக்கென்னவோ அதைவிட இது சுவாரசியமான விளையாட்டு என்றே தோன்றுகிறது! ஏனென்றால் அடுத்தவர்களின் தோட்டத்தில் திருட முடிவதுதான்! முற்பகல் செய்யின் பிற்பகல் விளையும் என்று சும்மாவா சொன்னார்கள்? இந்த ஃபார்ம் வில்லி, பார்ன்படி விளையாட்டுக்களைப் பார்த்துத்தான் சொன்னார்கள்! காலையில் விதைத்தால் மாலையில் அறுவடை!

எனக்கென்றால் இந்த விளையாட்டுகளில் அவ்வளவாக ஆர்வமில்லை. இப்படிச் சும்மாயிருக்கிற பத்துப் பேரை பார்ன்படி விளையாடவைத்தால் ஒரு நாய் ஃப்ரீ என்று பார்ன்படி ஒரு அறிவிப்பு வெளியிட்டது. அவ்வளவதான்! கிடைப்பது நாய், அதுவும் வெர்சுவல் நாய் என்றாலும் ஃப்ரீயா கிடைக்கிறதே என்று கண்டவனெல்லாம் பார்ன்படி விளையாடு! பார்ன்படி விளையாடு! என்று ரிக்வெஸ்ட் அனுப்பி அனுப்பி உயிரை வாங்கினாணுங்க! இந்தத் தொல்லை பொறுக்காமாலும், அப்படி என்னதான் இந்த விளையாட்டில் இருக்கிறது என்ற ஆர்வத்திலும் நானும் பார்ன்படி விளையாடத் தொடங்கினேன்!

சும்மா சொல்லக்கூடாது... ரொம்ப சுவாரசியமான விளையாட்டு அது! பார்ன்படி வயல் விதைத்த சில மணி நேரங்களில் அறுவடைக்குத் தயாராகிவிடும்! சரியாக அந்த நேரத்தில் அறுவடை செய்யாவிட்டால் வேறு எவனாவது அறுத்து எடுத்துக்கொண்டு போய்விடுவான்! இதுக்கென்றே அலார்ம் வைத்து நள்ளிரவில் எழும்பி பார்ன்படி வயல்களில் அறுவடை செய்யும் சீரியஸ் பார்ட்டிகள் எல்லாம் இருக்கிறார்கள்! இப்பிடித்தான் என் ஃப்ரெண்ட் ஒருத்தன் பார்ன்படி செஞ்சான்... ஒரு கட்டத்துல வெறுத்துப்போய் அதை விட்டுட்டான். அப்புறம் திரும்பவும் பார்ன்படி செய்யத் தொடங்கிட்டான்! ஏன்டான்னு கேட்டேன். சொன்னான்: இல்ல மச்சான்... எல்லாரும் என்னப்பா பார்ன்படி செய்யலியா? பார்ன்படி செய்யலியா? எண்டு கேட்டுட்டே இருக்காங்க... அதான்!

நான் ஏன் ஜெஸ்ஸியை லவ் பண்ணினேன்?

2010-04-18T21:04:00.004+05:30

ஹாய் பிரெண்ட்ஸ்! ரிமெம்பர் மீ? ரொம்ப நாளைக்கப்புறம் மீட் பண்றோம்ல? பிளாக் பண்ண டைம் இல்லண்ணு சொன்னா நீங்க நம்பிடவா போறீங்க? வேலவெட்டி ஒண்ணுமில்லாம சும்மாதானே இருக்கே நீன்னு பிரிச்சு மேஞ்சிட மாட்டீங்க? உண்மைய சொல்லணும்னா கடந்த சில வாரங்களா பிளாக் பண்ற மனநிலைல நான் இல்லப்பா! சரி அத விடுங்க... அது என்னோட சொந்த சோகம். அத தெரிஞ்சுகிட்டு நீங்க என்ன பண்ணப்போறீங்க?

விண்ணைத்தாண்டி வருவாயா பார்த்தேன். எனக்குத்தெரிஞ்சி தமிழ் சினிமாலேயே காதல் கதைகளை ரொம்ப அழகா சொல்லக்கூடியவரு கௌதம் மேனன். வாரணம் ஆயிரம் பாத்ததுலருந்து கௌதம் மேனன் படம்னாலே ஒரு எதிர்பார்ப்பு இருந்துச்சி... விண்ணைத்தாண்டி வருவாயா ஏமாற்றவில்லை! இலேசாக மழை தூறும் டிசம்பர் மாதத்து விடியலில், இதமான குளிரில், ஆவி பறக்கும் ஒரு கப் காப்பியை ரசித்துப் பருகியிருக்கிறீர்களா? இப்படமும் கிட்டத்தட்ட அதே போன்றதொரு உணர்வைத் தந்தது! "நான் ஏன் ஜெஸ்ஸியை லவ் பண்ணினேன்?" என்று இப்படம் முழுதும் வரும் கேள்வி என்னை என்னவோ செய்கிறது! பையாவையும் பார்த்தேன். கௌதம் மேனன் எடுத்திருந்தால் இன்னும் நல்லா வந்திருக்குமோனு தோணிச்சு! படத்தில் வரும் மொக்கை பைட் ஸீன்களை மறந்துவிட்டுப் பார்த்தால் இதுவும் ஒரு அழகிய காதல் கதையே! ரெண்டு படத்துலேயும் பாடல்கள் ரொம்ப நல்லாருந்துச்சு. அதுவும் விண்ணைத்தாண்டி வருவாயாவில் வரும் ஊணே உயிரேயும், பையாவில் வரும் பூங்காற்றே பூங்காற்றேயும் எனக்கு ரொம்பப் புடிச்சிருக்கு!

இங்லிஷ் கலக்காமல், இரைச்சல்கள் கலக்காமல் சுத்தத் தமிழில் இப்படியான மனதை மயக்கும் பாடல்களைக் கேட்கும்போது தமிழ் இவ்வளவு இனிமையான மொழியான்னு ஆச்சரியமாயிருக்கு! அதே சமயம் தமிழ் தெரிந்திருந்தும் தமிழில் பேசினால் அவமானமெனக்கருதி நுனிநாக்கு இங்லிஷ் பேசித்திரியும் மனநோயாளிகளின் நினைவும் வருகிறது! அட, சுத்தத் தமிழில் பேசவேண்டாம்... தமிழில் இங்லிஷ் கலந்து பேசினாலும் பரவாயில்லை... ஆனால் தமிழ் பேசவே மாட்டேன் என்று அடம்பிடிப்பவர்களை என்னவென்று சொல்வது?

எழுதனும்னு தோணிச்சு... மனசுல இருந்தத எழுதிட்டன்... ம்ம்ம்... அப்புறம் என்ன? கொழும்பு தமிழ் சிங்கள புத்தாண்டு கொண்டாடிக்கிட்டிருக்கு... தெருத்தெருவா, கடைகடையா புத்தாண்டுக்காக டெகரேட் பண்ணிருக்காங்க... ஜோடி ஜோடியா ஷாப்பிங் பண்றாங்க... அப்பப்போ மழை பெய்யுது... மழை பெஞ்சா இந்த நகரம் நரகமாயிடும். ஆனா இங்க இந்த மழை மட்டும்தான் எனக்குப் புடிச்சிருக்கு... பாருங்க, இப்பகூட மழை பெஞ்சிக்கிட்டிருக்கு...

குட்பாய் பேஸ்புக்! ஹலோ ட்விட்டர்!

2010-03-12T15:28:00.002+05:30

ஹாய் ப்ரெண்ட்ஸ்! ஹவ் யூ? ரொம்ப நாளைக்கப்புறம் மீட் பண்றோம்ல? என்ன செய்ய? லைப் எப்பவுமே சந்தோசமா இருக்கிறதில்லியே... என் பேஸ்புக் பிரெண்ட் ஒருத்திய மீட் பண்ணப்போய் அத எவனோ ஒருத்தன் வீட்ல போட்டுக்கொடுத்து பெரிய ப்ராப்ளம் ஆயிடுச்சு! மனசே சரியில்ல... எல்லாம் இந்த சனியன் புடிச்ச பேஸ்புக்கால வந்தது! இந்த ஸ்டோரிய அப்புறமா எழுதுறேன் சரியா?

ஹெரோயின் போன்ற ஒன்றுதான் இந்த பேஸ்புக்கும்! அதுக்கு நாம அடிக்ட் ஆயிட்டோம்னா அவ்ளோதான்! மெயில் செக் பண்ணறது, நெட்ல ரீசர்ச் பண்றது, அசைன்மென்ட் பண்றது எதுவுமே நடக்காது! இத விடுங்க... நீங்க வீட்டவிட்டு வெளிய வாறது, உங்க நிஜ ப்ரெண்ட்ஸ் கூட பேசுறது, பழகுறது எல்லாமே நின்னு போயிடும்! உங்க லைப் நரகமாயிடும்!

பேஸ்புக் வேணாம்னு விட்டப்புறம் நான் எவ்ளோ ப்ரீயா பீல் பண்றேன் தெரியுமா? எவ்ளோ டைம் மிச்சமாகிறது தெரியுமா? இல்லேனா காலைல எந்திரிச்ச உடனேயே பேஸ்புக் போய் காலைல கடைகள்ல அன்னிக்கு பிசினஸ் நல்லா நடக்கனும்னு துதிப்பாடல் எல்லாம் போடுவாங்க இல்லியா? அந்த ரேஞ்சுக்கு நெட்ல தேடி ஒரு வாழ்த்தோ, பொன்மொழியோ ஸ்டேட்டஸ்ல போடுறது... அப்புறம் அவன், அவள்னு தேடித்தேடி பிரெண்ட் ரிக்வெஸ்ட் அனுப்புறது... போட்டோ, வீடியோ டெக் பண்றது... சட் பண்றது... வோல்ல எழுதுறது... மாபியா வார்ஸ், பார்ம்வில்லி விளாடுறதுன்னு அந்த நாள் புல்லா செம பிசினஸ் நடக்கும்!

பேஸ்புக்க விட்டுட்டா வேறென்ன பண்றது? இருக்கவே இருக்கு ட்விட்டர்! போட்டோ, வீடியோ, சட், அப்ஸ் எதுவுமே ட்விட்டர்ல கிடையாது! ஒன்லி டெக்ஸ்ட் மட்டும்தான்! அதுவும் 140 எழுத்துக்கள் மட்டும்! ட்விட்டர்ல வாழ்க்கை எவ்ளோ அழகா இருக்கு! பிரெண்ட்ஸ், நீங்களும் ட்விட்டர்ல இருக்கீங்களா? இருந்தா பொல்லொவ் மீ!

திரைப்படமாகிறது டின்டின்!

2010-02-18T14:33:00.005+05:30

டின்டின்... இந்தப் பெயரக் கேள்விப்பட்டிருக்கீங்க இல்லியா? ஹெர்ஜ் என்ற பெல்ஜியம் நாட்டு ஆர்டிஸ்ட் உருவாக்கின அட்டகாசமான கார்ட்டூன் தொடர்! தன் பேமிலி மெம்பர்ஸ இன்ஸ்பிரேஷனா வெச்சே டின்டின் தொடர்கள்ல வர்ற கேரக்டர்கள டிசைன் செஞ்சாராம் ஹெர்ஜ்!

டின்டின், கெப்டன் ஹெடொக், புரபசர் கல்கியூலஸ், ஜோன்சன் ட்வின்ஸ், பியங்கா கெஸ்டபியர் மற்றும் டின்டினின் செல்ல நாய்க்குட்டி ஸ்நோவி... இவங்கதான் டின்டின் தொடர்கள்ல வர்ற மெய்ன் கேரக்டர்கள்!

எனக்கென்னடான்னா டின்டின விட அவரோடத் திரியுற கெப்டன் ஹெடொக்கைத்தான் பிடிக்கும்! இவரு ஒரு அரை லூசு... குடிகாரன்... அத்தோட வலியப்போய் வம்புல மாட்டிக்கொள்ற ஆளு! இவரு பண்ற அலப்பறைகளே டின்டின் தொடர்களின் ஹைலைட்!

ம்ம்ம்... டின்டினப் பத்தி இவ்ளோ இன்ட்ரோ போதும்னு நினைக்கிறேன்! இன்னும் டீட்டெய்ல் வேணுமின்னா விக்கிபீடியா போங்க! அங்கதான் டின்டினப் பத்தி பிஎச்டியே செய்யுற அளவுக்கு வேல மெனக்கெட்டு எழுதியிருக்கானுங்க! இப்போ மேட்டர் என்னன்னா... நம்ம ஸ்பில்பேர்க் இருக்காருல்ல, அவுரு டின்டினப் படமா எடுக்கப்போறாராம்!

விசுவல் எபக்ட்ஸ் இல்லாம ஸ்பில்பேர்க் படமா? இந்தப்படத்த அவதார்ல யூஸ் பண்ணின அதே மோஷன் கெப்சர் டெக்னோலஜில எடுக்கப் போறாராம்! சூப்பரா இருக்கும்ல? அட்வென்ச்சர்ஸ் ஒப் டின்டின்: சீக்ரெட் ஒப் தி யுனிகோர்ன் என்ற பேர்ல 2011ல வருது இந்தப்படம்!

கொழும்பில்... காதலர் தினத்தில்...

2010-02-15T16:32:00.004+05:30

காதலர் தினம் வந்துச்சு... காதலர் தினம் போயிடுச்சு... ஆனா இந்தத் தடவை காதலர் தினம் சற்றே டல்லடித்தது போல ஒரு பீலிங்! எதிர்பார்த்தது போல யாருமே பெருசா அலப்பறை பண்ணல! சென்ற காதலர் தினத்தில் சிவப்புக் கலர் டிரஸ் போட்டுக் கலக்கித்திரிந்த கூட்டம் இம்முறை மிஸ்ஸிங்! வாட் ஹெப்ன்ட் யூ கைஸ்?

எனக்கென்றால் சென்ற காதலர் தினம் போல இம்முறை தனிமை வாட்டவில்லை! இந்த ஒரு வருசத்துல என் லைப் ரொம்பவே சேன்ச் ஆயிடுச்சு... கூடவே மனசும்! ஸோ காதலர் தினத்தன்று வெளியே தலைகாட்டுவதில்லை என்றிருந்தவன் ப்ரெண்ட்ஸ் கூடச் சேந்து ஊர் சுத்தக் கெளம்பினேன்!

சிட்டில எங்க பாத்தாலும் கப்பிள்ஸ்! கப்பிள்ஸ்! கப்பிள்ஸ்! வழக்கம் போல கேர்ள்பிரெண்ட் எவ்ளோ அழகா இருப்பாளோ அவ்ளோ அசிங்கமா போய்பிரெண்ட் இருக்கான்! (எக்ஸ்கியூஸ்மீ! எப்பிடீங்க இப்பிடியொரு மூஞ்சிய வச்சிக்கிட்டு இவ்ளோ அழகான கேர்ள்ல கவுத்தீங்க?)

மெஜஸ்டிக் சிட்டி... கொழும்பில் காதலர்களின் மீட்டிங் ஸ்பொட்களில் ஒன்று! நம்ம கதைல இங்கதான் ஒரு ட்விஸ்ட் வருது! என் ப்ரெண்ட்ஸ்ல ஒருத்தன் இன்னொருத்தன்கிட்ட அவனோட எக்ஸ் கேர்ள்பிரெண்ட் (அவ இவன விட்டுட்டு இன்னொருத்தனோட போயிட்டா!) பத்திச் சொல்லிட்டிருந்தான்... திடீர்னு பாத்தா முன்னால இருக்கிற டேபிள்ல அதே கேர்ள் அவளோட புது போய்பிரெண்ட்டோட! எப்பிடி இருக்கும் ப்ரெண்டுக்கு! எலெக்ட்ரிக் ஷோக் வாங்கினவன் மாதிரி ஆயிட்டான்! அவளும் இவனக் கண்டுட்டாள்... உடனே தள்ளியிருக்கிற இன்னொரு டேபிளுக்குப் பறந்துடாள்! ஒரு ஆறு மாசத்துக்கு முன்னாடி இதே இடத்த இவங்க ரெண்டு பேரயும் ஒண்ணாப் பாத்திருக்கேன்! இப்போ தனித்தனியா!

அப்புறம் க்வீன்ஸ் கபே போனோம்! அங்க... அது என்ன விளயாட்டு? சினிமால்ல காட்டுவாங்களே அரையிருட்டுல பணக்கார வில்லன் டேபிள் மேல இருக்கிற போல்ஸ்ல ஒன்னக் குச்சியால தள்ளிட்டு ம்ம்ம்... அவன் கதைய முடிச்சிடுன்னு சொல்லுவாரே? அந்த விளயாட்டு விளயாடிட்டு அப்பிடியே கோல்பேஸ் போனோம்!

கோல்பேஸ்ல இது மாதிரி ஒரு க்ரவ்ட் நான் கண்டதேயில்ல! அவ்ளோ க்ரவ்ட்! கொழும்புல இருக்கிற அத்துன அழகான கேர்ள்சும் வந்திருந்தாளுவள் போல! எவளப்பாக்குற எவள விடுறன்னே தெரியல்ல! ஒரு வழியா அந்தக் க்ரவ்ட்ல பூந்து புறப்பட்டுப் போய்டே இருந்தோம்!

எங்க முன்னால ஒருத்தி வர்றாள்... ப்ரத்டேகிங் என்று சொல்லுவோமே... அத அப்பதான் பீல் பண்ணினேன்! பேமிலியோட வர்றாள்... அந்த பேமிலியே அழகாத்தான் இருந்துச்சு... எங்களக் கடந்து போறாள்... எல்லாருக்கும் பத்திக்கிச்சு! விடுவமா? ஒரு ரிவர்ஸ் அடித்துத் திரும்பினோம்! ஒரு தடவ பாத்தோம்... ரெண்டு தடவ பாத்தோம்... ம்ஹூம்! போதாது! ஸோ அவ பின்னாலயே நாயா சுத்தினோம்! இதுக்குள்ள இன்னொரு குரூப் ஒண்ணும் வருது... "நான் லவ் பண்ணினா இவளத்தாண்டா பண்ணுவன்!" எண்டு ஒருத்தன் கத்துறான்! அவ கோல்பேஸவிட்டுக் கெளம்பும் வரைக்கும் வேற எவளயும் ரசிக்கல! அவ கெளம்பிப் போயிட்டா! செல்போன் நம்பர், பேஸ்புக் ஐடி தராமலே! (அவ எப்பிடித் தருவா? கேட்டாத்தானே தருவா? எங்கள்ள ஒருத்தனுக்கும் அவ்ளோ தில் இல்ல!)

ம்ஹூம்... முடியல... டைப் பண்ணிப் பண்ணி கையெல்லாம் வலிக்குது! அதனால...

அப்புறமா அங்கேயே கொஞ்ச நேரம் சுத்தியடிச்சோம்... வாறவள், போறவள எல்லாம் பாத்தோம்... பொட்டேட்டோ சிப்ஸ் சாப்பிட்டோம்... அப்பிடியே கெளம்பி பஸ் புடிச்சு வூட்டுக்கு வந்து சேந்தோம்! டொட்டடொய்ங்!

தரைக்கு வந்த தங்கமீன்!

2010-02-11T10:24:00.003+05:30

பொன்யோ... சின்னக் குழந்தைகளின் விசித்திரமான கற்பனைக் கதைகளை அனிமேஷன் படங்களில் அப்படியே கொண்டுவருவதில் புகழ்பெற்ற ஜப்பானிய இயக்குநர் ஹயாயோ மியாசாகியின் மற்றுமொரு டிவைன்! டிஸ்னியின் வெளியீடாக வந்திருக்கும் இந்தப்படம் எனக்குப்பிடித்த மிகச்சிறந்த அனிமேஷன் படங்களில் ஒன்று!

கடல் என்பது உலகத்தின் ஒரு பகுதி என்பதைவிட கடலே ஒரு தனி உலகந்தான்! விசித்திரமான அந்த உலகத்தைப் பற்றி எத்தனையோ கதைகள் உலவுகின்றன... அப்படியொரு கதைதான் பொன்யோ!

பொன்யோவின் கதை ஷோர்ட் அண்ட் ஸ்வீட்டாக இதோ...

கடலின் ஆழத்தில் உள்ள ஒரு மந்திர நீர்மூழ்கிக் கப்பலிலிருந்து ஒரு மந்திரசக்தி வாய்ந்த, மனித முகங்கொண்ட ஒரு தங்கமீன் வெளியுலகைப் பார்க்கத் தன் தந்தையை மீறிக் கிளம்புகிறது. கடலுக்கு அருகே உள்ள ஒரு சிறு குன்றின் உச்சியில் வசிக்கும் சஸ்கே என்னும் சிறுவனின் நட்பு அவளுக்கு அங்கே கிடைக்கிறது. அவன் அவளை பொன்யோ என பெயரிட்டு ஒரு வாளியில் வைத்து நட்பு பாராட்டுகிறான். இதற்கிடையில் அவளின் தந்தை பொன்யோவை தேடிக்கொண்டு வந்து அவளை அழைத்துக் கொண்டு சென்று விடுகிறார். அவளை பிரிந்து துயரமடைகிறான் சஸ்கே. பொன்யோ மீண்டும் மேலே செல்ல விரும்புகிறாள். அவள் தந்தையோ மனிதர்கள் நம்பத் தகுந்தவர்களில்லை என்கிறார். சொன்ன பேச்சை கேட்காத பொன்யோவை உறைய வைத்து விட்டுத் தந்தை வெளியேறுகிறார். சஸ்கே மீது கொண்டிருந்த நட்பு அவளை அந்த உறைநிலையிலிருந்து விடுவிக்கிறது. தன் சகோதரர்களின் துணையோடு மனித உருவங் கொண்டு அவனை நோக்கிச் செல்கிறாள் பொன்யோ. அவள் மனித உருவம் எடுத்திருப்பதால் இயற்கைச் சமநிலை குலைந்து, கடல் சீற்றமடைந்து அருகிலுள்ள நிலப்பகுதிகளை மூழ்கடித்து விடுகிறது. இது சீர்ப்பட வேண்டுமானால் பொன்யோ மீண்டும் தங்கமீனாக வேண்டும். தன் நண்பனை இழக்க வேண்டும். அவள் தன் நண்பனை இழந்தாளா?

மலை உச்சியை நோக்கி சஸ்கே காரில் செல்ல, அவனை நோக்கி பொன்யோ கடலலைகள் மேலேறி, மீன்கள் மேலேறி ஒடும் காட்சி... பன்றி இறைச்சிதான் உணவாக வேண்டும் எனத் தன் தகப்பனிடம் அடம்பிடிக்கும் காட்சி... சிறிய படகொன்றில் பொன்யோ தூங்கி வழியும் காட்சி... பாலை எடுத்துச் சிறு குழந்தைக்குத் தரும் காட்சி... என இப்படத்தில் மயக்கும் இசையில் மனதைத் தொடும் காட்சிகள் ஏராளம்!

படம் முடியும்போது வந்த கண்ணீரைத் தவிர்க்கமுடியவில்லை. வானவில்லாய் மறைந்துவிட்ட அந்த நாட்கள்... நாம் சின்னக் குழந்தைகளாய்த் துள்ளித்திரிந்த அந்த நாட்கள்... அவை இனியொருபோதும் திரும்பி வரப்போவதில்லை...

சிங்கிளா இருக்கிற சிங்கங்களுக்கு...

2010-02-08T11:29:00.002+05:30

அடுத்த வாரம் காதலர் தினம் வருது... இங்க இப்பவே அலப்பறை பண்ணத் தொடங்கிட்டானுங்க! சென்ற காதலர் தினமும் இப்பிடித்தான்... அந்த நாளே சிவப்பாத்தான் விடிஞ்சுது! ரோட்ல போறவன் வாறவன்லாம் சிவப்புக் கலர் டிரஸ் போட்டுக்கிட்டுப் போறான்! என்னடான்னு கேட்டா காதலர் தினமாம்! க்ளாஸ்லயும் எல்லாரும் சிவப்பு டிரஸ்! சரியாப்போச்சு! சிவப்பு டிரஸ் போடாத என்ன எல்லாரும் மட்டமாப் பாக்குற மாதிரியே ஒரு பீலிங்! இதாவது பரவால்ல! எல்லாரும் ஜோடி ஜோடியா திர்றாங்களா... அந்த வயித்தெரிச்சல் வேற! ஸோ இந்தக் காதலர் தினத்துக்கு ஊர்சுத்தப் போற ஐடியாவே இல்ல! நீங்களும் என்னப்போல சிங்கிளா இருக்கிற சிங்கமா? வாங்க, இந்த நாள எப்டிக் கொண்டாடலாம்னு (?!) ஐடியா போடுவம்!

காலைல ஏர்லியா எழுந்து அடுத்த வருசமாச்சும் இந்த நாள்ல சிங்கிளாருக்கக் கூடாதுன்னு கடவுள வேண்டிக்கோங்க!

இவ்ளோ நாளா முடிக்காம இருந்த அசைன்மென்ட், ஹோம்வேர்க் எதாச்சும் இருந்தா (கண்டிப்பா இருக்கும்!) அத முடிக்க ட்ரை பண்ணுங்க! இல்லேன்னா கம்ப்யூட்டர்ல கேம்ஸ் வெளாடுங்க! படம் பாருங்க! பாட்டுக் கேளுங்க! ஆனா அதுக்காக ரொமாண்டிக் படங்களப் பாத்தோ பாட்டுக்களக் கேட்டோ தொலைக்காதீங்க!

பழக்கதோஷத்துல பேஸ்புக் பக்கம் போய்டாதீங்க! அன்னிக்கு பேஸ்புக்ல நடக்குற அட்டகாசம் தாங்காம தற்கொலை செஞ்சுக்குற ரேஞ்சுக்குப் போனாலும் போயிடுவீங்க! பொதுவா இன்டர்நெட் யூஸ் பண்ணாம இருக்கிறது பெட்டர்!

உங்களப் போலவே சிங்கிளா இருக்கிற பிரெண்ட்ஸ போய் மீட் பண்ணுங்க! ரொம்பவே தனிமையா பீல் பண்ண வேண்டாமில்லே!

இதெல்லாத்தயும் விட முக்கியமான இன்னொரு மேட்டர் இருக்கு! காதலிக்கிற உங்க பிரெண்ட்ஸ்கிட்ட இந்தக் காதல் கீதல்னு அலையாம ஒழுங்காப் படிச்சு உருப்பர்ற வழியப்பாருன்னு அட்வைஸ் (?!) பண்ண மறக்காதீங்க! ஓகேவா?

நானும் ஒரு நரிக்குறவனாகலாம் என்றிருக்கிறேன்!

2010-01-24T18:11:00.002+05:30

இன்று க்ளாஸ் விட்டு 155ம் நம்பர் பஸ்ஸில் வந்துகொண்டிருந்தேன்... ஹாய் பிரெண்ட்ஸ்! நான் இத சொல்லியே ஆகணும்! 155ம் நம்பர் பஸ் அவ்ளோ க்ரவ்ட்! முன்பெல்லாம் இந்த பஸ்சில்தான் அதிகமா குண்டு வெடிக்கும்! இப்போ அதிகமா செல்போன்கள் திருட்டுப் போகின்றன! (நான் கூட ஒரு செல்போன் தானம் பண்ணியிருக்கேன்!)

சரி... நம்ம மேட்டருக்கு வருவோம்! மெஜெஸ்டிக் சிட்டிக்கு முன்னால ஒருத்தன் ஓடிவந்து 155ல் ஏறினான்! அவன் எப்படியிருந்தான் என்று அவசர அவசரமாக வர்ணித்துவிடுகிறேன்: "அவனுக்கு என் வயசுதானிருக்கும். வெள்ளை ஸ்போர்ட்ஸ் பூட்ஸ், உடம்போடு அப்பிப்பிடித்திருக்கும் பளபள கறுப்பு ஜீன்ஸ், தொளதொள சிவப்பு டீஷர்ட், கழுத்தில் நாய்ச்சங்கிலி போன்றிருந்த பெரியதொரு சங்கிலி, ஒரு கையில் தொளதொளவென்று வாட்ச், இன்னொரு கையில் கறுப்பாகப் பெரியதொரு பிளாஸ்டிக் பட்டையொன்று கட்டியிருந்தான், ஒரே மோதிரத்தை இரண்டு விரலுக்கும் சேர்த்து அணிந்திருந்தான், ஒற்றைக்காதில் காங்கிரீட் ஆணியொன்றைக் (?!) குத்தியிருந்தான், வெள்ளை பிரேம் போட்ட கூலிங்கிளாஸ் போட்டு கன்னாபின்னான்னு முடி வளர்த்து அதுக்கு செம்பட்டைக் கலர் டை வேறு அடித்துத் தொலைத்திருந்தான்! சரியான நரிக்குறவன்! நரிக்குறவன் என்று சொல்லி உண்மையான நரிக்குறவர்களை அவமானப்படுத்த விரும்பவில்லைதான்... ஐம் சாரி... பட் எனக்கு இதைவிட அழகான வேறு வேர்ட் கிடைக்கவில்லை!

கொழும்பில் இப்படிப்பட்ட நரிக்குறவர்களைக் காண்பது ஒன்றும் அதிசயமில்லைதான்! வெஸ்டர்ன் கல்ச்சர் என்று சொல்கிறார்கள்... எனக்கும் வெஸ்டர்ன் கல்ச்சர் ரொம்பப்பிடிக்கும்தான்! ஆனால் அதுக்காக இப்பிடியா? என் ப்ரெண்ட்டொருத்தன் சொன்னான்: நியூயார்க்ல, லண்டன்ல இப்படி நரிக்குறவன் வேஷம் போட்டிருந்தால் நீங்கள் ஒரு "கே" என்று அர்த்தம் என்று!

இதில் ஒரு வருத்தம் என்னவென்றால், இங்குள்ள கேர்ள்சுக்கு நரிக்குறவர்கள் என்றால் ரொம்பப்பிடிக்கும்போல! இதுக்காவே முக்காவாசிப் பேர் இங்க நரிக்குறவன் வேஷம் போட்டுட்டு திர்றானுக! நான்கூட பலமுறை "இந்த நாய்க்கு இவ்ளோ அழகான கேர்ள்ப்ரெண்டா? இவன்ல அவ அப்பிடி என்னத்தக்கண்டா?" என்று பொறாமைப்பட்டிருக்கிறேன் (?!).

ஸோ, நானும் ஒரு நரிக்குறவனாகலாம் என்றிருக்கிறேன்!

பேஸ்புக் பக்கங்கள்: பேஸ்புக்கும் வின்டீசலின் மொட்டைத்தலையும்!

2010-01-20T10:58:00.003+05:30

ஹாலிவூட் ஆக்சன் ஹீரோ வின்டீசல் பேஸ்புக்கில் இருக்கிறார். பொழுதுபோகாவிட்டால் மனுஷன் பேஸ்புக் வந்து ஏதாவது ஸ்டேடஸ் போடுவாரு போல... போட்டு அடுத்த சில செக்கன்களில் அதற்கு பத்துப் பதினோராயிரம் லைக்ஸ் விழுந்துவிடும்!

இந்த லைக்ஸில் ஒரு மேட்டர் இருக்கிறது பாருங்கள்... பேஸ்புக்கில் உங்கள் ஸ்டேடஸுக்கு கிடைக்கும் கமெண்ட்சை விட அதற்குக் கிடைக்கும் லைக்சை வைத்துத்தான் உங்கள் மதிப்பு கணக்கிடப்படுகிறது! அதிலும் குறிப்பாக கேர்ள்ஸ் அதிகமாக லைக் பண்ணியிருந்தால் நீங்கள்தான் ஹீரோ! எழுதப்படாத இந்த பேஸ்புக் விதியால் பிரெண்ட்ஸ் மற்றும் சட்டில் வரும் முன்பின் தெரியாதவர்களிடமெல்லாம் ஸ்டேடஸ் லைக் பண்ணுமாறு கேட்பதிலிருந்து கேர்ள்பிரெண்டிடம் கெஞ்சியோ கொஞ்சியோ அவளின் பேஸ்புக் பாஸ்வேர்ட் வாங்கி அவள் பெயரில் வந்து தன் ஸ்டேடசையே லைக் பண்ணும் (ஊப்ஸ்! உண்மையச் சொல்லித்தொலச்சிட்டனா?) கேலிக்கூத்தெல்லாம் நடக்கும்!

விடுங்கள்... நான் சொல்லவந்தது இதுவல்ல! இப்படி ஒரு பத்து லைக் அள்ளுவதற்குள் நமக்கு நாக்குத்தள்ளிவிடும்! நம்ம மேட்டர் இப்படியிருக்க வின்டீசல் வந்து பத்தாயிரம் பதினோராயிரம் என்று லைக் அள்ளுவதாவது? அதுவும் ஒரு மொக்க ஸ்டேடஸுக்கு? என்று எல்லோருக்கும் வயிற்றெரிச்சல்! அப்படித்தான் ஒருநாள் நாங்கள் பிரெண்ட்ஸ் எல்லாம் ஒன்றாக பேஸ்புக் பண்ணிக்கொண்டிருந்தபோது (?!) வின்டீசல் ஒரு ஸ்டேடஸ் போட்டார்! அவ்வளவுதான்! வழக்கம்போல ஆயிரக்கணக்கில் லைக்ஸ் கூடிக்கொண்டே போனது! இதைப்பார்த்துக் கடுப்படைந்த என் பிரெண்டொருத்தன் சொன்னான்: "பாரு மச்சான்! இந்த மொட்டையனுக்கு எவ்ளோ லைக்ஸ் வுளுது!"

ஹி... ஹி... பாருங்கள், வின்டீசல் யாரு... அவுரு எவ்ளோ பெரிய ஆளு... இதெல்லாம் மறந்து அவருக்கு மொட்டைத்தலை என்ற மேட்டர்தான் இங்கு பெருசாப்போச்சு! எங்குபோனாலும், என்னசெய்தாலும் நம்மாளுங்க நம்மாளுங்கதான்!

பேஸ்புக் பக்கங்கள்

2010-01-19T12:49:00.003+05:30

உங்களுக்கு இன்டர்நெட் பார்க்கத்தெரியுமா? ஆமென்றால் நான் சத்தியமாகச்சொல்வேன் நீங்கள் பேஸ்புக்கில் இருப்பீர்கள்! இன்று உலகத்தைக் கிறங்கடித்துக்கொண்டிருக்கும் தேவதைத்தொழிநுட்பம் இது! கூகிளுக்கு அடுத்து அதிகம் பார்க்கப்படும் வெப்சைட். விரைவிலேயே கூகிளையும் பின்னுக்குத்தள்ளக்கூடும்.

முன்பெல்லாம் இன்டர்நெட் கனெக்ட் பண்ணியவுடன் ஜிமெயில்தான் செக் பண்ணுவேன். ஆனா இப்பெல்லாம் பேஸ்புக்தான்! என் நண்பர்களில் பலரைத்தொடர்புகொள்வதும் பேஸ்புக்கில்தான்! 2007ல் நான் பேஸ்புக்கில் இணைந்தபோது பேஸ்புக் இவ்வளவு பிஸியாயில்லை! ஆனால் 2008ல் பேஸ்புக்கில் அதிரடி மாற்றங்கள் கொண்டுவரப்பட்டு அதைப்பயன்படுத்துவது மேலும் எளிதாக்கப்பட அதுவரை மைஸ்பேஸ், ஹய்பை, ஓர்குட் என்று கடலை போட்டுக்கொண்டிருந்த கூட்டம் 2009 விடிந்ததுமே பேஸ்புக்கை வந்து மொய்த்துக்கொண்டது! விளைவு, புதிதாக யாரையாவது மீட்பண்ணும்போது "நீங்க பேஸ்புக்ல இருக்கீங்களா?" என்று கேட்பதும் பேஸ்புக்கில் இல்லாதவர்களை மட்டமாகப்பார்ப்பதும் சாதாரணமாயிற்று!

அநேகமானோர் பேஸ்புக் அப்ஸ்களில் புகுந்து விளையாடுகிறார்கள்! பேஸ்புக்கில் விவசாயம் செய்கிறார்கள்... மாபியாக்கும்பலில் இணைந்துகொண்டு ஆட்களை போட்டுத்தள்ளுகிறார்கள்... தலையணைச்சண்டை போடுகிறார்கள்... இதயங்களைச் சேகரிக்கிறார்கள்... ஜோதிடம் பார்க்கிறார்கள்... இன்னும் என்னென்னவோவெல்லாம் செய்கிறார்கள்! நினைத்தாலே கிர்ர்ர்ருன்னு இருக்கு! இப்படி ஒரு கூட்டம் இருக்க இன்னொரு கூட்டம் எந்நேரமும் காதல் ஸ்டேடஸ் போட்டுக்கொண்டடு... காதல் நோட்ஸ் எழுதிக்கொண்டு... காதல் போட்டோ, காதல் வீடியோ ஷேர் பண்ணிக்கொண்டு... செம பீலிங்கில் திரிகிறது! ஐ மிஸ் யூ என்றும் ஐ லவ் யூ என்றும் இவர்கள் அடிக்கும் கூத்தில் நமக்கு பைத்தியமே பிடித்துவிடும்! அது சரி இவ்ளோ சொல்றியே நீ மட்டும் என்ன? என்று கேட்கிறீர்கள்தானே? ஹி... ஹி... யாரு சொன்னா அப்பிடி? ஆனால் எனக்கு இவைகளில் ஆர்வமில்லை! நான் பேஸ்புக்கை எனக்குப் பிடித்தவற்றை ஷேர் பண்ணுவதற்கும்... கேர்ள்பிரெண்ட்ஸ் பிடிப்பதற்கும்தான் (?!) யூஸ் பண்ணுகிறேன்!

இதைவிட பேஸ்புக்கில் இன்னொரு மேட்டர் இருக்கிறது! உங்களுக்குத்தெரியுமா அது உங்களுக்கு தெரிந்தோ தெரியாமலோ இணையவெளியையும் தாண்டி உங்கள் தனிப்பட்ட வாழ்வில் புகுந்து விளையாடுகிறது என்று? பேஸ்புக்கில் நானும் என் நண்பர்களும் பட்ட சில சுவாரசியமான அனுபவங்களில் இதை உணர முடிந்தது! இனிவரும் நாட்களில் பேஸ்புக்குடனான என்வாழ்வின் சுவாரசியமான பக்கங்களை உங்களுடன் ஷேர் பண்ணவிருக்கிறேன்! அதுவரை டேக் எ பிரேக்!

ஹாய் பிரண்ட்ஸ்!

2010-01-10T21:23:00.003+05:30

ஹாய் பிரண்ட்ஸ்! இது எனது முதலாவது தமிழ் ப்ளாக். இங்கிலீஷில் மின்னிக்ஸ் என்ற பெயரில் எழுதுகிறேன். வெயிட்...! வெயிட்...! எழுதுகிறேன் என்றா சொன்னேன்? எனக்கு நிறைய எழுதுவது பிடிக்காது (?!). அதுவும் இங்கிலீஷ் வேறா? ஸோ, நீங்களே செக் பண்ணிகோங்க!

நமக்கு இந்தக் கதை, கட்டுரை, கவிதை எல்லாம் எழுத வராது... ஆனா மத்தவங்க எழுதினத கொப்பி அண்ட் பேஸ்ட் பண்ணமட்டும் நல்லா வரும்! ஸோ, இனிவரும் நாட்களில் எனக்குப்பிடித்த அனைத்தையும் உங்களுடன் ஷேர் பண்ணவிருக்கிறேன். வாட் யூ தின்க்?